|
| 典型生日派對 12 - Oct - 2007
Ken 生日所以攪左個生日派對 不過其實似飲酒派對多 D 自己唔飲酒 加上佢地話會迫人飲  尤其是新黎既女仔 所以推左無去 點知當日派對中途 Suki 用 Lex 既電話打俾我要我去 直到我話去之前都唔肯收線 好明顯佢係飲醉酒  但係我又衰心軟  點知去度都搵佢唔到 玩野 .......... 跟左 Cynthia, Ben, LipKai 一齊玩 係個派對入面既人 不外乎飲酒, 跳舞, 同吹水 好無聊 ..... 呢 D 活動唔適合我 我寧願大家坐低傾計或者出去玩下好過 不過總算見識過外國既派對係點既一會事 有得著有得著 ~~ | | |
| 畢業 5 - Oct - 2007
尋日無咩點訓 今日要去佢地既 Gown Day 影相 真係起唔到身 直到 Cynthia 打電話俾我先知醒 足足遲左三個鐘 哈哈 ~  陪佢地係校園走左成日四圍影相 咩都無食 又餓又唔夠訓 個樣又殘到死 第日都係唔捱夜啦 嗚鳴 ~~ 
  | | |
| 雪國舞會 4 - Oct - 2007
原本無打算過參加 一來無衫著 二來唔識人 但係阿 Ben 又超落力咁慫恿我去 而 Cynthia 又好踴躍咁話借衫俾我 就係咁我屈服左 每合年一次既 SRA Ball 宿生攪既主題晚裝舞會 不過都無咩人會跟主題 我就係其中一個 ~ 哈哈 ~~ 無計啦 條裙都係借人架 一諗起出面得幾度 仲要著吊帶裙 即刻對個晚宴唔感興趣 唔好意思 我唔係個要靚唔要命既人 加上我異常既低溫既體質 根本就係攞我條老命 唉 ~~~ 不過 ~~ 雖然我一堆牢騷 但係個舞會又幾好玩既 雖然我無飲酒 但係情緒都好高漲 佢地個個仲問我做咩無飲酒都好似醉左咁 呵呵 ~~ 去到會場 大家不停影相 係又影唔係又影 可惜始終係室內 點影都唔夠室外靚 浪費晒 D 人著得咁靚 ~~  
 
嘈完一輪終於食野 好奇怪我竟然食唔晒 最後俾左唔夠飽既 Lex 食 不過甜品我係唔會放過既 超超超好食 ~~ 
 
台上一直有 Band 係度唱歌 有 D 覺得自己係度睇緊戲 食到咁上下 有人開始出舞池跳舞 自己唔識跳唯有睇人跳啦 點知就突然俾人捉左出去 攪咩 =.=||| 開頭跳下跳下好似好好玩 幾首歌後 ..... 個心不停諗 "我係度做咩" 突然諗起妳話試過係舞池跳舞但係唔知為咩 而家我充分睇會到 走個時要係出面等巴士 凍到以為會死 呢 D 情況就係俾男士們表現佢地既紳士風度既時候啦 個個都除西裝外套俾女仔著 不過 .... 最最攪笑係 LipKai 除左件衫問有冇人要 但係完全無人要囉 事後佢講 "Gentleman 唔係咁易做架" 笑死左 ~~ 完左舞會仲去左 Cynthia 屋企傾計 一班人係度講低能野 超開心 !! 後記 : 外國人始終係外國人 係我地等車既時候 有人醉到不省人事要人抬 最誇張係接吻接到失平衡跌左落地下仲要撞跌埋旁邊既人 真係好睇過睇戲
| | |
| 賞月記 25 - Sep - 2007
終於等到中秋節 第一次係外國過中秋 唔知外國既月光係咪真係特別圓既呢 ?  相約左一班朋友仔一齊食月餅賞月 講好要晒月光 點知 ...... 出面凍到死 個個都唔願出去 變左開大食會 哈哈 ~~ Lex 同 Ivy 整左馬來西亞版啫喱 個底係朱古力餅 個面係用魚膠粉開既啫喱 好似好特別 點知打開嗅一下個味道 嘩 ~ 想死 好似過期腐臭味 大家都笑到死左 點解可以整成咁 不過最大問題係 大家俾面食左第一啖之後 都停唔到口 實在係太神奇  當事人都解釋唔到 但係依然好臭 傾計講笑到半夜 雖然無睇月光 不過都好開心 呵呵 唯一美中不足 死人 LipKai 講鬼故 嚇到我唔敢關燈訓覺 特別鳴謝 : 叮噹先生的速遞月餅 | | |
| 慶祝晚宴 18 - Sep - 2007
未試過自己參加這種聚餐 感覺跟香港的很不同 是因為全是外國人的緣故嗎 ? 無從考究 .... 不過 ... 至少可以肯定 未試過咁受人重視 可以感受到他們真心榮耀研究生 原來讀研是如此令人尊重 在香港連想都未想過 這個聚餐很成功  環境好食物好 ( 雖然我唔知自己食緊咩 ) 甜品仲好 ~~~ 最重要係我放鬆, 我享受, 我投入 唔會好似以前個 D 好似係度受罪咁 又唔知講咩好, 又怕做錯野 係度我可以好自然 同佢地傾學術, 又可以閒話家常 突然覺得係香港既自己好可悲 係香港學術生涯吸引唔到我 不過係澳洲我有行這條路的興趣 可惜 ~ 我都係唔會行 哈哈 係我離開呢度之前 應該可以再參加多一次呢個慶祝活動 期待一年後我的轉變 | | |
|
